Meera Kumari Paswan

मीरा कुमारी पासवान महोत्तरी जिल्लाको भंगाहा नगरपालिकाको वडा नं. ८ स्थित धर्मपुर टोलमा बस्छिन्। उनले शिक्षाशास्त्रमा स्नातक तह पूरा गरेकी छन् र अहिले आफ्नो अधिकांश समय घर र दुई छोराछोरीको हेरचाहमा बिताउँछिन्। उनका श्रीमान् रामेछाप जिल्लामा अनुदान कोटामा अस्थायी नियुक्तिमा शिक्षकका रूपमा कार्यरत छन्। उनीहरूको आफ्नै कुनै कृषि योग्य जमिन छैन। चार सदस्यीय परिवारको पालनपोषणका लागि उनका श्रीमान्को जागिर नै आम्दानीको एकमात्र स्रोत हो। उनी कहिलेकाहीँ गाउँमा कृषि मजदुरका रूपमा काम गर्छिन् र त्यसबाट प्राप्त आम्दानी परिवारको खर्च व्यवस्थापनमा योगदान गर्छिन्।

उनले विभिन्न सामाजिक संस्थाहरूसँग सामुदायिक शिक्षिकाका रूपमा काम गरेको करिब पाँच वर्षको अनुभव छ। आफ्ना अभियानहरूका क्रममा उनले शिक्षकहरू र गैर-दलितहरूले दलित विद्यार्थीहरूलाई फोहोर भनेर बोलाउने र उनीहरूलाई होच्याउने गरेको देखिन्। यस्तो अपमानजनक र तुच्छ व्यवहारका कारण दलित विद्यार्थीहरू विद्यालय जान अनिच्छुक हुने र विद्यालय छाड्ने गरेको उनको विश्वास छ। त्यसैले उनी विद्यालय जाने उमेरका दलित तथा गरिब बालबालिकालाई शैक्षिक संस्थाहरूमा भर्ना गराउने अभियानमा सक्रिय रूपमा संलग्न हुँदै आएकी थिइन्।

उनको गाउँमा अधिकांश परिवार थारू समुदायका छन् र मधेसी दलितहरूको पनि उल्लेख्य उपस्थिति छ। उनको अनुभवमा, गाउँमा रहेका हरेक जाति र समुदायले जातमा आधारित विभेद गर्ने गरेका छन्। ‘आपन कथा आपन बुनेछी’ मा आबद्ध भएपछि उनले जात, लैङ्गिकता र यौनिक अल्पसंख्यकहरूबारे गहिराइमा बुझ्ने र सिक्ने अनुभव पाएकी छन्। उनी मधेसी दलित महिलासँग सम्बन्धित विभिन्न पक्ष र मुद्दाहरूलाई अझ गहिराइमा बुझ्ने प्रयास गरिरहेको बताउँछिन्।

Meera Kumari Paswan

बारेमा

Photo Gallery

काम र सिर्जनाहरू

Meet the fellows

Aaspati Kumari Ram

Asmita Majhi

Kakunti Rabidas

Seema Baitha

Madhu Kumari Mahara

Sabnam Mandal (Khatwe)

Shilpa Devi Das

Binita Kumari Sarki

Archana Pariyar

Naina Kumari Mahara

Kabita Kumari Sada

Renu Mallik

Durga Kumari Khang

Punita Kumari Mahara

Sanju Kumari Das

Sarina Dyola

Manjita Pariyar

Pramila BK

Kanchan Katuwal

Radhika Roka

Manika Bishwakarma

Sangita Mijar